Торрес «Челси»нинг сабр косасини тўлдирмоқда

Фернандо Торрес охирги 10 учрашувда «Челси» таркибида биргина гол урган холос (барча мусобақалар назарда тутилмоқда). Бундан ташқари, испаниялик форвард охирги икки учрашувда рақиб дарвозаси томон атиги биргина зарба йўлагани «Челси» мухлисларининг норозилигига сабаб бўлмоқда.

Ҳужумчи клубга келгандан сўнг жамоанинг ярим ҳимояси секин ҳаракат қилади дея нолий бошлади. Абрамович ҳеч қандай норозиликлар билдирмай, клубга Торрес истаганидек, ёш ярим ҳимоячилар Мата, Азар, Марин ва Оскарни олиб келди. Жамоа ярим ҳимояси анча кучайтирилди. Аммо испан футболчисининг ўйинидан ўзгариш йўқ. Клуб ҳужайини Роман Абрамович эса Торреснинг келажагига ҳали ҳам ишонмоқда. Ҳа унинг ишонишдан бошқа иложи ҳам йўқ. Зеро, Торрес учун оз мунча пулни «Ливерпуль»га бердими?

Роберто Ди Маттео «Ювентус»га қарши баҳсда шундоқ ҳам захира ўриндиғига тобора маҳкам ўрнашиб олаётган Торресни яна захирада қолдирди. Ушбу ўйин «Челси» мураббийлиги остида бечора Робертонинг сўнгги ўйини бўлди. Жамоа раҳбарияти Ди Маттеога ортиқ имкон бермади. Тезда унинг ўрнига Рафа Бенитесни олиб келишди. Бу вақтга келиб, Рафа охирги икки йилини «Интер»дан ҳайдалганидан сўнг дам олиш билан ўтказаётган эди. Абрамович клубга Бенитесни олиб келгандан сўнг, кўнгли бироз тинчиди. Чунки Рафа Торреснинг кучидан қандай фойдаланиш кераклигини «Ливерпуль»ни бошқариб юргандаёқ яхши билар эди. Айни вақтда Торреснинг энг гуллаган пайти Бенитес мураббийлигига тўғри келар эди. Аммо қаҳрамонимиз Фернандо Торресга Бенитис ҳам ёрдам бера олмаяпти. Аҳвол шу тарзда давом этадиган бўлса, Торрес тез орада "зодагон" унвонидан маҳрум бўлиши турган гап. 

Торреснинг ихтиёрида ўзини кўрсатиш учун яна бироз вақт бор. Агар у қишки трансферлар оралиғигача голлар уриб ишончи оқлай олмаса, «Челси» ҳужумчи билан хайрлашади. Бундан ўзга илож йўқ!!! 

Самуэль Это'О: «Бир кун келиб «Анжи»га мураббийлик қилишим мумкин»

Маҳачқалаънинг "Анжи" клуби сардори Самуэль Это'О нега Россия клубини танлагани ва келажаги борисида қизиқарли саволарга жавоб бериб ўтди. 

«Анжи» ҳақида

Нега Европани тарк этганлигимни биласизми? Ўзим учун янги дунё кашф этишни истадим. Европада деярли ҳар йили қандайдур бирон - бир совринни қўлга киритар эдим. Буларнинг баридан чарчадим. Ўзимни худди бир жойда қотиб қолганек ҳис қила бошладим. Клубимни алмаштириш вақти етганлигини ўйлаб юрардим. Шунда менга "Анжи"дан чақириқ бўлди. Ҳеч иккиланмасдан Россия томон йўл олдим. Одамлар мени пул учун бу ерга ўтди дейдишмоқда. Аслини олганда ундай эмас. Тушунинг, мен янги жамоа билан ном қозонишни истайман. Клубга янги келиб қўшилганимдаёқ, Сулейман Керимов менга келажакдаги режалари ҳақида сўзлаб берди. Ҳаммаси мен ўйлагандек бўлгани учун рози бўлдим.

"Сен жаҳон юлдузларидан бирисан, нега камтаргина клубни ўзинга лойиқ кўраяпсан? -деган саволларни кўп бора беришди. Мен уларга шундай дея жавоб қайтардим: "Бахтни ҳамма ердан топса бўлади". Биз босиб ўтган йўлга қаранг, дастлаб чемпионатда Еврокубокларда қатнашиш учун бериладиган йўланмани қўлга киритдик. Айни дамда ЦСКА билан бир хил очко тўплаган ҳолда, турнир жадвалини бошқариб турибмиз. Европа Лигасидаги ишларимиз ҳам ёмон эмас. Англия грандларидан бири бўлмиш «Ливерпуль» ҳамда Италия клуби — «Удинезе»ларни ортда қолидирган ҳолда гуруҳни бошқариб турибмиз. Ушбу мавсумда раҳбарият олдимизга чемпионлик вазифасини қўйган. Ўз навбатида шуни қўшимча қилишим мумкинки, "Анжи" клуби иштирок этаётган барча мусобақаларида, ғолиб бўлишни истайди.

Жамоадошларим менга ўз акаларидек муносабатда бўлишади. Мен ҳам қўлимдан келганича уларга ўз маслаҳатимни аямайман. Жамоада кимдадир муаммо пайдо бўлса, уни биргаликда ҳал қиламиз. Агар клубда муҳит бузилса, ҳеч нимага эришиб бўлмайди. Аҳиллик, бирдамлик бизнинг касбда жуда ҳам зарур. Бўш вақтлар бўлди дегунча йигитлар билан йиғилишиб, вақтни мароқли ўтказишга ҳаркат қиламиз. Ҳаётда бир-биримизни қанчалик яхши билсак, майдонда шунчалик осон бўлади. 

Гус Хиддинк ҳақида

У билан биринчи бор, 16 ёшимда Мадриднинг "Реал" клубида ўйнаб юрган кезларимда танишганман. Катта футболга қадам қўяётган дамларимда у ўзининг маслаҳатдари билан менга катта ёрдам берган. Яна орадан шунча вақт ўтиб, у билан бирга ишлаш бахтига муяссар бўлганимдан мамнунман. Хиддинк буюк мураббийлардан биридир. Хиддинкнинг яна бир одатини жуда ҳурмат қиламан, ҳар қандай вазиятда ҳам футболчини яхши тушинади. Уларга ўз яқинлардек муносабатда бўлади. 

Россия, Москва ва Махачқалъа ҳақида

Авваллари Россия пойтахтига еврокубокдаги мусобақалар туфайли ташриф бюрганман. Сафарлар доим қисқа бўлганлиги учун, бор-йўғи шаҳарда 48 соат бўлар эдик. Бунақанги қисқа вақт мобайнида шаҳарни айланиш жудаям қийин. "Анжи"га ўтишим ҳақидаги ҳабарлари тарқалгандан сўнг, Россия ҳақида нималарни эшитмадим дейсиз. Кимдур Россияда қоратанлиларни емон кўришади деса, яна баъзи бирлари Россияда сени ўлдиришлари мумкин, у ерга бормагин, дея маслаҳатлар беришди. Аммо мен бу ерга келиб, ушбу гапларнинг бари ёлғон эканлигига ишонч ҳосил қилдим. Машғулотлар вақтида стадионга чиқиб келсам, мухлислар мени қарсаклар билан кутиб олади. 

Москва шаҳри билан яқиндан танишиб чиққанимдан сўнг, ҳайрон қолдим. Москвада одамлар жуда ҳам кўп, шахар менга Нью-Йоркни эслатиб юборди. Баъзида машғулотлардан 2-3ларда қайтаётганимизда ҳам ресторанлар ишлаётган бўлади. Одамда шундай тасаввур пайдо бўладики, гўё шаҳар ҳеч қачон ухламайдигандек. Доғистонда фақат портлашлар бўлади, у ерда ҳаёт умуман ёмон деб эшитган эди. Ишонинг, Махачқалъа дунёдаги энг яхши шаҳардардан бири. 

УЕФА президенти Мишель Платинидан бир илтимосим бор эди. Келаси мавсумда ҳам Еврокубок мусобақаларида "Анжи" иштирок этадиган бўлса, жамоа уй учрашувларини мухлислар кўз ўнгида ўтказса яхши бўлар эди. Чунки мухлислар бу нарсага арзишади. Хавф-хатар барча шаҳарда мавжуд — хоҳ бу Лондон, Париж, Нью-Йорк бўлсин. Бизнинг вазифа — одамларга хурсандчилик бахшида этиш, сиёсатни билишдан эмас. 

Мураббийлик ҳақида 

Мураббий бўлишни истайманми? Албатта, бу менинг болаликдаги орзуим. Футболчи сифатида кўп нарсага эришдим, мураббийликда ҳам эришсам керак. Қийинчиликни яхши кўраман!

Бир кун келиб, фарзандларим нафақат футболчи эканлигимдан, балки яхши мураббийлигимдан ҳам фахрланишларини истайман. Бир кун келиб, «Анжи»га мураббийлик қилишим мумкин.